Ներկայացրե՛ք Օսմանյան կայսրության պատմությունը (ամփոփ) հետևյալ կետերով․

• Սելջուկ-թյուրքերի արշավանքերը Արևմուտք
  XI դարում սելջուկ-թյուրքերը Կենտրոնական Ասիայից շարժվեցին դեպի Արևմուտք և հասան Փոքր Ասիա։ 1071 թ․ Մանազկերտի ճակատամարտում սելջուկները հաղթեցին Բյուզանդական կայսրությանը, ինչի հետևանքով թուրքական ցեղերը սկսեցին ավելի մեծ չափով բնակություն հաստատել Փոքր Ասիայում։
  
• Իկոնիայի սուլթանություն
  XI դարի վերջում Փոքր Ասիայում ձևավորվեց Ռումի կամ Իկոնիայի սուլթանությունը։ Նրա մայրաքաղաքը Կոնիան էր։ Սուլթանությունը դարձավ տարածաշրջանի կարևոր թուրքական պետություններից մեկը, սակայն XIII դարում մոնղոլների հարձակումներից հետո թուլացավ և աստիճանաբար բաժանվեց փոքր իշխանությունների։
  
• Օսմանյակ կայսրության հիմնումը
  XIII դարի վերջում այդ փոքր իշխանություններից մեկը ղեկավարում էր Օսման բեյը։ Նրա իշխանությունը հետագայում դարձավ Օսմանյան պետության հիմքը։ Օսմանյանները ընդարձակվեցին Փոքր Ասիայում և Եվրոպայում։ 1453 թ․ Մեհմեդ II-ը գրավեց Կոստանդնուպոլիսը և այն դարձրեց կայսրության մայրաքաղաք։
  
• Օսմանյան կայսրությունը 15-16-րդ դարերում
  XV–XVI դարերում Օսմանյան կայսրությունը մեծ հզորության հասավ։ Այն գրավեց Բալկանների, Մերձավոր Արևելքի և Հյուսիսային Աֆրիկայի մեծ տարածքներ։ Սուլթան Սուլեյման I-ի օրոք կայսրությունը հասավ իր հզորության գագաթնակետին։ Օսմանյան պետությունը դարձավ խոշոր ռազմական, քաղաքական և առևտրական տերություն։
  
• Կործանումը։
  Հետագա դարերում կայսրությունը աստիճանաբար թուլացավ։ XIX դարում այն կորցրեց բազմաթիվ տարածքներ և ավելի մեծ կախվածության մեջ ընկավ եվրոպական տերություններից։ Առաջին համաշխարհային պատերազմում Օսմանյան կայսրությունը պարտվեց։ 1922 թ․ վերացվեց սուլթանությունը, իսկ 1923 թ․ ստեղծվեց Թուրքիայի Հանրապետությունը։ Այսպիսով, Օսմանյան կայսրությունը վերջնականապես դադարեց գոյություն ունենալ։