Ամառային ճամբարի առաջին շաբաթը սկսեցինք ընդհանուր պարապմունքով, որի ընթացքում ծանոթացանք ջոկատի անդամներին, ներկայացրինք ինքներս մեզ և տեղեկացանք առաջիկա օրերի ծրագրերի ու նախագծերի մասին։ Առաջին օրը մասնակցեցինք նաև «Never Ignore Small Opportunities» դասընթացին, որտեղ ծանոթացանք ոգեշնչող պատմությունների, որոնք մեզ օգնեցին մտածել նպատակների, ինքնազարգացման և հաջողության հասնելու ուղիների մասին։ Շաբաթվա ընթացքում իրականացրինք համագործակցային նախագծեր մեր կենսաբանության ուսուցչուհի՝ Անուշ Ասատրյանի և հայոց լեզվի ուսուցչուհի՝ Նունե Մովսիսյանի հետ։ Այդ նախագծերի շրջանակում աշխատեցինք տարբեր թեմաների շուրջ՝ ընտրեցինք երկրի դրոշ, որպեսզի սկսենք աշխատել այդ երկրի դրոշի գույների վերաբերյալ, կատարեցինք նաև հետազոտություններ, քննարկումներ և ներկայացումներ՝ կարդալով ստեղծագործություններ և վերլուծել այն։ Այս աշխատանքները նպաստեցին մեր համագործակցային, հետազոտական և ստեղծագործական հմտությունների զարգացմանը։ Երեքշաբթի օրը մասնակցեցինք ինքնաճանաչման հետաքրքիր գործունեության, որի ընթացքում գույների միջոցով փորձեցինք բացահայտել մեր բնավորության առանձնահատկությունները, հետաքրքրությունները և նախասիրությունները։ Այնուհետև քննարկեցինք, թե արդյոք գույները կարող են ազդել մարդու տրամադրության, զգացմունքների և վարքագծի վրա։ Քննարկումը շատ հետաքրքիր էր, քանի որ բոլորը հնարավորություն ունեցան արտահայտելու իրենց կարծիքը և ներկայացնելու սեփական դիտարկումները։ Շաբաթվա ընթացքում շարունակեցինք նաև մեր հետազոտական աշխատանքները։ Հետևեցինք ընկերների կատարած աշխատանքներին, մասնակցեցինք քննարկումներին և ներկա գտնվեցինք հետազոտական աշխատանքների պաշտպանությանը։ Չորեքշաբթի օրը մասնակցեցինք բասկետբոլի պարապմունքների։ Օրվա ընթացքում խաղացինք նաև ինտելեկտուալ խաղեր, որոնք զարգացրին մեր տրամաբանական մտածողությունը։ Ուրբաթ օրը մեր դպրոցում հյուրընկալեցինք Օսլոյի մասնավոր գիմնազիայի սովորողներին և դասավանդողներին։ Թեև մենք ճամփորդության էինք մեկնել, մեր խումբը ներգրավված էր հյուրերի ընդունելության և օրվա կազմակերպման աշխատանքներում։ Սա հետաքրքիր փորձառություն էր, քանի որ հնարավորություն ունեցանք շփվելու տարբեր մարդկանց հետ, ներկայացնելու մեր դպրոցը և մասնակցելու օրվա համակարգմանը։ Նույն օրը մասնակցեցինք նաև ռազմամարզական պարապմունքների, որոնք նպաստեցին ֆիզիկական պատրաստվածության և թիմային աշխատանքի զարգացմանը։ Շարունակեցինք նաև համագործակցային նախագծերն ու ինտելեկտուալ խաղերը։